Me startar turen frå Sletterust og legg i veg vestover mot Øvre Årdal. Me syklar på den gamle vegen som snirklar seg bortover fjellsida 1000 meter over havet. På turen gjennom høgfjellet syklar me gjennom gamle tunnellar og opplever gamle dagars vegbyggjarkunst.

Halvveges blir ein fantastisk utsikt toppa med synet av Hurrungane og Sognefjorden. Her et me lunsj før me syklar same veg tilbake. Me serverar heimelaga lunsj med lokale råvarer avhengig av kva som er tilgjengeleg. Dette kan til dømes vere reinsdyrgryte.

Turen tek cirka 4-5 timar avhengig av tal stopp. Du trenger terrengsykkel for denne turen. Ta med ekstra klede.

PRIS: 990,- NOK per pers. (min. 2 pers.)

Inkludert: Lokal guide, sykkeltransport, hovudlykt og enkel lunsj.

Ønsker du å leige sykkel er me hjelpsame med det for et tillegg på 200 kroner.