Name: Cider & fruktvin med 5 smakebitar attåt kl 16:00 — 18 jun 2026, 16:00
Start: 2026-06-18T16:00:00+02:00
End: 2026-06-18T17:30:00+02:00
Location: Ciderhuset

Regndropar på epleskalet. Det lette kysset frå epleblomen. Perler som stig opp i gylden drikk.

av Åge Eitungjerde, cidermakar

Bryr du deg om historia bak det du drikk? Er du tørst på nye smakar og ny kunnskap? Du vil få ny fortsåing for fruktdyrking og ciderframstilling etter berre ein kort stund hos oss. Du vil få utvida smakshorisonten din gjennom å smake 5 ulike stilar av cider og fruktvin i Glashuset, med utsikt over Sognefjorden.

Vi startar i den økologiske frukthagen vår ved Ciderhuset. Sogn er det eldste fruktområdet i landet. Vi vil vise at smaken startar med dei små podekvistane som strekker seg opp mot det unike fjordlyset ved Sognefjorden. Lyset som har inspirert kunstnarar og eventyrarar i generasjonar.

Saman lærer vi om grunnleggande epledyrking og lokal tradisjon - vårt terroir gjennom nesten 1000 år! Deretter går vi inn i Ciderhuset der vi smakar vår veg gjennom 5 ulike ciderar og fruktvinar og lærer at eple er meir enn berre eple! Vi blir saman kjende med heile spekteret av smakar: søte desserteple, syrlege mateple og bitre cidereple.

Og vi skal lære at cider er meir enn berre "cider". Vi smakar oss gjennom 5 ulike stilartar av cider &fruktvin, til dømes lett "verandacider" til noko som liknar veldig på raudvin og til den frysekonsentrerte eplelikøren

Til kvar av drikkene høyrer også med litt snacks inkludert husets sjokolade.

Ser deg i frukthagen:)